Bakıda silsilə oğurluq etməkdə şübhəli bilinən şəxs saxlanılıb



Nəşr edilib: 7:42 28/01/2020 Baxış sayı: 115
Müəllif:

Binəqədi polisi silsilə oğurluq etməkdə şübhəli bilinən şəxsi saxlıyıb.

Oxu.Az xəbər verir ki, aparılan əməliyyat axtarış tədbirləri nəticəsində Binəqədi qəsəbəsi və ətraf ərazilərdə fərdi yaşayış evlərinə qənim kəsilən Bakı şəhər sakini, əvvəllər məhkum olunmuş Vüsal Salamov tutularaq istintaqa təqdim edilib.

Araşdırma zamanı onun təkcə Binəqədi rayonu ərazisində 11 evdən ümumi dəyəri 50 min manat olan qızıl-zinət əşyaları və 80 min manata yaxın nağd pul oğurladığı məlum olub.

Vüsal Salamovun törətdiyi oğurluq hadisələrinin bir qismi ərazidə quraşdırılan təhlükəsizlik kameraları vasitəsilə də anbaan lentə alınıb.

Faktla bağlı cinayət məcəlləsinin müafiq maddələri ilə cinayət işi başlanılıb. Əməliyyat istintaq tədbirləri davam etidirlir.

Vüsal Salmanovun əməllərindən zərər çəkən başqa vətəndaşlar DİN 102 zəng mərkəzinə yaxud, Binəqədi rayon polis şöbə və bölmələrinə müraciət edə bilərlər.


Рейтинг@Mail.ru